martes, 3 de abril de 2012

Amante que fae alcordanza del envite y convite d'amor de La Chata (Sonetu estrambóticu)

Ente sábanes bordaes y de seda
aguarda la piel blanco del deleite
sumida na entepierna nos afeites
trayíos del Imperiu que nos queda

esti sudu d'amor ye unxíu aceite
que l'almíbare del semen remeda
de sotripaes quedó abierta la veda
y de caminos nel vientre de lleite

tan real, tan humana y tan rexa;
tan chata, tan candonga y tan borbónica
tebia entepierna d'espín y carquexa

qué cadencia amatoria, qué harmónica
cadrilada onde la minga aboquexa
nesta engatada cruel y napoleónica.

2 comentarios: